Andorang di ngolu nasida, adong do sada barita songon on: Ia na jolo, ndada masiagoan pinoompar ni Lontung dohot babiat. Alai adong do muse alana umbahen na olo babiat manganhon anak ni Lontung. Di na sahali, rap ma sadaa halak marga. Lontung dohot sada babiat di sada tombak; ala na so masihabiaran hian nasida. Dung i didok babiat i ma tu jolma i: “Nunga suda aili di na sarura on; dibahen i denggan ma hita laho tu rura Siheneng di Lobu Pangururan, ai Ian do disi aili!”
“Denggan,” ninna jolma i, “alai hupornipi-nipihon ma jolo.” Ia dung torang ari, disungkun babiat ma, manang na beha didok nipina; alai ndang adong didok, ai sidalianna do i, unang laho nasida tu na dao. Ala ni i didok babiat i ma: “Nunga adong ianggo nipingku ho ma panganonku; hope mandok, nipi do oloan.” Dung didok jolma i ma mangalusi: “Tutu do i nian hudok, alai nda tung mate jolma so sian dalanna. Alai hudok pe songon i, ta patimbangkon ma jolo tu na asing,” ninna.
Dung i dipatimbangkon nasida ma i tu herek, on ma uhumna: “Ndang jadi tiptipon ginjang, ndang jadi ariton bolon; na samarga do hamu, unang hamu masibunuan,” ninna. Hape dung mulak nasida sian i, naeng ma panganon ni babiat i jolma, alai dijua do, didok do: “Ingkon
patimbangkononta dope sahali nari!”
Jadi laho ma nasida tu Raja Na Mora Di Bahaji, dipaboa nasida ma tu si pabadaan nasida i; gabe didok ma uhumna songon na nidok. ni herek ondeng. Alai ro ma habiat i, dihomukkon ma sada mas. Sisip tu Na Mora Di Bahaji, gabe didok ma uhumna songon na nidok ni herek ondeng. Alai ro ma babiat i, dihomukkon ma sada mas, sisip tu Na Mora Di Bahaji, gabe dipapeol ma muse uhum naung nidokna, ninna ma: “Ba molo dung diipi ho panganon mu baea on, pangan ma,
ai naung pandokkonni tondina do i!” Jadi i saut ma dipangan babiat i jolma i. Asa i ma mungkana masiagoan jala masihabiaran jolma tu babiat.
Alai dung dibege herek i, naung mate jolma dipangan babiatg, ala ni timbangan ni Na Mora Di Bahaji, ditopot ma ibana tu hutana, didokma: “Nunga huipi jabu non hututung; ala ni i surbuonku ma on! Ho pe mandok, nipi do oloan; i ma umbahen na mate jolma dipangan babiat.”
Dung i disurbu herek ma jabuna i, laho ma ibana hatop manjangkit tu hau; mangangguhi ma anggo nampuna jabu i, ala naung lengse jabu na ro di ugasanna. I ma umbahen tar didok halak: “So tung tarpangan binahenna ho songon Na Mora Di Bahaji.”
(Sumber: Nonang Siribur, Dinas P&K, 1995 jakarta)
